FLASH
Shkruar nga Pamfleti
FIFA ka njoftuar se sulmuesi i Bajernit të Mynihut, Leroi Sane është pezulluar për tre ndeshjet e ardhshme miqësore të Gjermanisë. Sane u ndëshkua me karton të kuq pasi shtyu në tokë Filip Muene të Austrisë, në një humbje 2-0 në miqësoren e nëntorit.
Kështu, lojtari nuk do të luajë në mars kundër Francës dhe Holandës, ndërsa nuk do kontribuojë dot në një test tjetër të “Pancerave”, që mund të luhet në prag të Europanit. Federata Gjermane e Futbollit nuk është pajtuar asesi me vendimin dhe shumë shpejt mund ta apelojë.
Gjithsesi, pavarësisht pretendimeve, më e keqja nuk ndodhi, pasi me një pezullim më të gjatë, ai rrezikonte ndeshjet e grupeve në “EURO 2024”. Futbollisti i lindur në Esen numëron 59 ndeshje me përfaqësuesen, ku ka realizuar 13 gola. Më parë, Sane ka luajtur për U-19 dhe U-21.
Lini një Përgjigje