FLASH
Shkruar nga Pamfleti
UEFA ka publikuar kombinimet e mundshme që do t’iu duhen skuadrave pjesëmarrëse në “Euro 2024” për të kaluar në raundin e 16-sheve, përfshirë dhe kombëtaren Shqiptare.
E ndodhur në grupin B, Shqipëria ka vetme një p ikë pas dy ndeshjesh dhe ndodhet në vendin e tretë. Krupi kryesohet nga Spanja me 6 pikë, e cila ka siguruar kualifikimin dhe Italia me 3 pikë në vendin e dytë, ndërsa Kroacia në vendin e fundit me 1 pikë.
Çfarë i duhet secilës skuadër të grupit B, për t’u kualifikuar në raundin tjetër?
Spanja kalon në raundin e 16-të si fituese e grupit.
Italia do të kalojë në raundin e 16-të si nënkampione e grupit nëse shmang humbjen kundër Kroacisë. Italia nuk do të arrijë dot në fazën e 16-të nëse humbet dhe Shqipëria mund Spanjën.
Shqipëria do të kalojë në raundin e 16-të si nënkampione e grupit nëse mposht Spanjën dhe Kroacia mund Italinë, duke siguruar që Shqipëria të përfundojë përpara Kroacisë në diferencën e përgjithshme të golave ose më pas golat e përgjithshëm të shënuar, ose më pas pikët disiplinore ose më pas renditjen e Kualifikuesve Evropian. Shqipëria nuk do të mund të arrijë në 1/8 nëse humbet, ose nëse barazohet dhe Kroacia mund Italinë.
Kroacia do të kalojë në raundin e 16-të si nënkampione e grupit nëse mposht Italinë dhe Shqipëria nuk mund Spanjën (nëse fiton edhe Shqipëria, Kroacia dhe Shqipëria do të ndahen në vendin e dytë dhe të tretë sipas kritereve të mësipërme). Kroacia nuk do të jetë në gjendje të arrijë në 1/8 nëse humbet, ose nëse barazohet dhe Shqipëria shmang humbjen.
Lini një Përgjigje