FLASH
Shkruar nga Pamfleti
Sipas raportimeve më të fundit të mediave turke, “Shqiponjat e Zeza”, të Beshiktashit po bëjnë çmos që të transferojnë brazilianin Anderson Taliska nga Al-Nassr, por për këtë duhen shpenzime.
Kjo do të thotë se klubi nga Stambolli po mendon të sakrifkojë Muçin dhe po ashtu edhe fantazistin e talentuar turk Semih Kiliksoi, ku deri më tani theksohet se Beshiktashi ka dy oferta për lojtarin ofensiv të kombëtares shqiptare.
Njëra prej tyre besohet se është 15 milionë euro për kartonin, ndonëse nuk jepet emri i klubit që e kërkon, ndërsa tjetra është e Aston Vila, e cila ofron 12 milionë euro për të dhe 30 milionë euro për Kiliksoi.
“Gjigandët” e Stambollit patën mundësinë të siguronin plot 20 milionë euro për Muçin, nga Aston Vila, në prill të këtij viti, mirëpo pretendonin të fitonin më shumë për një lojtar të cilin e siguruan për vetëm 10 milionë euro nga polakët e Legias së Varshavës.
Gjithsesi, rëndësi ka që Muçi ta marrë vesh shpejt fatin e tij në mënyrë që të stabilizohet në ekip, qoftë te Beshiktashi apo në Premier Ligë, teksa kujtojmë se sezonin e kaluar, Muçi ishte shumë i rëndësishëm për ekipin, në kampionat dhe sidomos në Kupën e Turqisë, trofe që u fitua nga “Shqiponjat e Zeza”.
Lini një Përgjigje