FLASH
Shkruar nga Pamfleti
Ernest Muçi është një nga më të mirët te Lexhia e Varshavës në këtë edicion në Poloni duke ndihmuar skuadrën e tij të qendrojë në podiumin e kampionatit. Edhe sot ai ishte protagonist me një asist, në fitoren 2-0 të skuadrës së tij ndaj Stal Mielek.
Në ndeshjen ku ish-sulmuesi i Tiranës ishte si zakonisht titullar, Muçi la shenjë në fundin e pjesës së parë të sfidës, teksa dha një pasim “me telekomandë” nga e majta për Pekhart. Sulmuesi nuk gaboi me gjuajtjen e tij me kokë, duke i dhënë avantazhin 1-0 Lexhias.
Kjo e fundit më pas shënoi edhe golin që vulosi suksesin 2-0 në minutat e fundit të pjesës së dytë, teksa vetë Muçi ishte në fushë deri në minutën e 83.
Asisti i sotëm ishte i 5 në këtë kampionat për Muçin, i cili ka shënuar edhe 3 gola në 23 ndeshjet ku ka luajtur deri më tani.
Muçi me këtë asist i jep një tjetër mesazh trajnerit Silvinjo për ta thirrur në Kombëtare për ndeshjet e marsit.
Lini një Përgjigje