FLASH
Shkruar nga Pamfleti
Në funksion të gjyqit për sulm të dyshuar seksual, Dani Alvesh duket se ka vendosur të ndryshojë përsëri versionin e tij (i pesti për të qenë të saktë).
Sipas “El Periódico”, ish-futbollisti do të kishte vendosur të mbështeste teorinë e dehjes, për të demonstruar se ka vepruar në mënyrë të pandërgjegjshme.
Nga ana e mbrojtjes janë bërë disa tentativa për të liruar nga burgu ish-futbollistin, aq sa Dani e ka ndryshuar tashmë katër herë historinë.
Avokati i tij i ri, Ines Guardiola, po përpiqet të paraqesë një deklaratë të re, sipas së cilës braziliani ka qenë nën efektin e alkoolit (prandaj i paditur për veprimet e tij) në natën e famshme ku dyshohet se ka abuzuar me një vajzë në një klub nate.
Personat më të afërt me ish-lojtarin e Barcelonës kanë raportuar se avokatët e Alvesh do të kërkojnë lirimin e tij sepse ai është i pafajshëm.
Megjithatë, çështja e dehjes mund të konsiderohet si rrethanë lehtësuese, pra në rast të dënimit të çojë në ulje të dënimit.
Për të vërtetuar gjendjen e dehjes së Danit, do të ishte një faturë blerjeje për pijet e konsumuara nga grupi i tij atë mbrëmje.
Por kjo nuk është e gjitha, pasi siç njofton “El Periodico”, në gjyqin ndaj Alvesh do të dëshmojë edhe Joana Sanz, me propozimin e mbrojtësve të lojtarit.
Modelja dhe ish-bashkëshortja e Alvesh do të duhet të sqarojë nëse futbollisti kishte probleme me alkoolin dhe nëse kishte vënë re shenja dehjeje atë mbrëmje gjatë telefonatës së tyre të fundit.
Lini një Përgjigje