FLASH
Shkruar nga Pamfleti
Partizani ka pësuar një goditje të rëndë për moralin në luftën për titullin kampion. Bylisi arriti një fitore me përmbysje (2-3) ndaj Partizanit në transfertë, në ndeshjen e javës së 26-të, e vlefshme për kategorinë Superiore. Fillimisht ishte Partizani i cili mori avantazhin herët në pjesën e parë duke shënuar në minutën e ‘13-të me anë të Taipit. Tre minuta më vonë në të ‘16-ën, “Demat e Kuq” do të dyfishonin shifrat me anë të Sembene i cili vulosi rezultatin (2-0). Në pamje të parë dukej sukur Partizani ishte në rrugë të mbarë për ta mbyllur ndeshjen me golead.
Por në minutën e 18-të, Victor do të ngushtonte shifrat për Bylisin i duke e dërguar rezultatin në (2-1). Asgjë s’do të ndryshonte në minutat e mbetura të pjesës së parë.
Me nisjen e pjesës së dytë, situata do të vështirësohej për kryeqytetasit të cilët në minutën e 71-të do të pësonin golin e dytë dhe Bylisi do të barazonte shifrat me anë të Mustapha.
Atëherë kur dukej se Partizani do ndalej në një barazim të dhimbshëm përballë Bylisit, “Demat e Kuq” pësuan golin e “Knock Out”-it. Ruçi shënon në minutën e ‘90+2 dhe vulos rezultatin e përmbysur (2-3).
Me këtë rezultat, Partizani mbetet në vendin e katërt me 40 pikë, ndërsa Bylisi shpëton përkohësisht nga zona e kuqe me 28 pikë.
Ndeshja tjetër e luajtur mes Vllaznisë dhe Elbasanit është mbyllur me rezultatin (1-1). Vllaznia kishte shanset për të dalë me pikë të plota nga kjo përballje por Balaj nuk u tregua i saktë.
Fillimisht ishte Vllanzia e cila kaloi në avantazh në minutën e ’12-të me anë të Deliut, i cili vulosi shifrat në (1-0). 12 minuta më vonë, në të ’24-ën, Elbasani do të barazonte shifrat me anë të Mustafës, i cili vendosi barazpeshën (1-1) në Loro Boriçi.
Shkodranët do të kishin shansin e artë për të kaluar sërish në avantazh 4 minuta më vonë me anë të 11-metërshit, por Balaj do të humbiste shansin dhe pjesa e parë do të mbyllej në këto shifra.
Pjesa e dytë do të shoqërohej me nervozizëm gjë që tregohet edhe 6 kartonat e verdhë të nxjerrë në 45-minutëshin e dytë. Pavarësisht përpjekjeve asgjë sdo të ndryshonte në pjesën e dytë dhe ndeshja do të mbyllej në barazim.
Me këtë rezultat Vllaznia ndodhet në vendin e dytë, me 46 pikë, ndërsa Elbasani në vendin e pestë, me 31 pikë.
Lini një Përgjigje