FLASH
Shkruar nga Pamfleti
Interi, i shpallur kampion i Serisë A për sezonin 2025-2026, e mbylli kampionatin me një barazim spektakolar 3-3 në transfertë ndaj Bolonjës, në stadiumin “Renato Dall’Ara”.
Zikaltërit kaluan të parët në avantazh në minutën e 22-të, kur Federiko Dimarko realizoi një supergol nga goditja e dënimit, duke kurorëzuar në mënyrën më të mirë një sezon të shkëlqyer personal.
Megjithatë, reagimi i Bolonjës ishte i menjëhershëm. Vetëm tre minuta më pas, Federiko Bernardeski barazoi shifrat, duke përfituar nga një pakujdesi në mbrojtjen e Interit, veçanërisht nga Stefan de Vraj.
Në fundin e pjesës së parë, vendasit përmbysën rezultatin. Në minutën e 42-të, Tomaso Pobega shënoi me një goditje të fortë nga jashtë zone, duke i dhënë avantazhin Bolonjës dhe duke mbyllur pjesën e parë në shifrat 2-1.
Skuadra vendase e nisi më mirë edhe pjesën e dytë, teksa në minutën e 48-të gjeti golin e tretë pas një autogoli të Pioter Zielinskit, në një aksion ku portieri Emiliano Martinez nuk reagoi në kohë.
Interi reagoi dhe në minutën e 64-t Françesko Pio Esposito ngushtoi diferencën, duke dërguar në rrjetë topin e kthyer nga shtylla pas goditjes së Andi Diëf.
Në minutën e 87-të ishte pikërisht Andi Diëf që realizoi golin e barazimit 3-3 për Interin, duke vulosur rezultatin përfundimtar të një sfide mjaft emocionuese.
Lini një Përgjigje