FLASH
Shkruar nga Pamfleti
Boksierja algjeriane, Imane Khelif, e cila ka përfunduar në qendër të polemikave për shkak të faktit se nuk ka kaluar testin e përshtatshmërisë gjinore në Botërorin e një viti më parë, ka siguruar një medalje në Lojërat Olimpikë, pasi mundi në çerekfinale hungarezen Luka Hamori.
Khelif kishte përfunduar në qendër të polemikave, pasi në raundin e mëparshëm një boksiere italiane ishte tërhequr nga gara pas 46sekondash kundër saj. Hamori, e cila kishte ndezur sfidën duke postuar një foto të saj duke u ndeshur me djallin, nuk kishte përgjigje për kundërshtaren, e cila dominoi gjithë ndeshjen dhe fitoi me unanimitet 5-0.
Kjo fitore e çoi atë në gjysmëfinale të turneut dhe i garantoi të paktën medaljen e bronztë, pasi në boks u jepet medalje të dy humbësve të gjysmëfinaleve. Khelif ishte dukshëm e emocionuar pasi doli nga ringu duke qarë, ndërsa trajneri i saj ulërinte para përfaqësuesve të mediave “e kanë bullizuar”, ndërsa dilte jashtë sallës.
Imane Khelif wins again!!!! LET'S GO!!! pic.twitter.com/oiCaOzgzYL
— Alejandra Caraballo (@Esqueer_) August 3, 2024
Lini një Përgjigje