FLASH
Shkruar nga Pamfleti
Mbrëmjen e kësaj të mërkure, në orën 21:00, Bayern Munich dhe PSG do të përballen në një nga sfidat më të shumëpritura të UEFA Champions League, e vlefshme për ndeshjen e kthimit në gjysmëfinale.
Tetë ditë më parë, në “Parkun e Princave” në Paris, PSG triumfoi 5-4 në një duel spektakolar që për shumë tifozë dhe analistë u konsiderua si “ndeshja e shekullit”.
Spektakli i ofruar në sfidën e parë, me ritëm të lartë, raste të shumta dhe përmbysje rezultati, ka rritur ndjeshëm pritshmëritë edhe për takimin e sotëm, ku do të përcaktohet finalisti i dytë i Champions League.
Në finalen e 30 majit në Budapest pret tashmë Arsenali, ndërsa PSG hyn në këtë përballje me avantazhin minimal të suksesit të parë ndaj bavarezëve.
Megjithatë, Bayern Munich mbetet një kundërshtar i rrezikshëm, sidomos duke luajtur para tifozëve të vet. Gjermanët vijnë në këtë fazë pasi eliminuan Real Madridin në çerekfinale dhe diferenca prej vetëm një goli nuk i lejon francezët të ndihen të qetë, edhe pse PSG është kampionia në fuqi e turneut.
Trajneri i Bayern, Vincent Kompany, do të duhet të bëjë pa të dëmtuarit Gnabry, Kiala dhe Cardozo. Në anën tjetër, Luis Enrique nuk do të ketë në dispozicion Hakimin, Chevalier dhe Ndjatou, gjithashtu për shkak dëmtimesh.
Takimi do të arbitrohet nga portugezi Joao Pinheiro.
Formacionet e mundshme:
Bayern Munich (4-2-3-1): Neuer; Stanisic, Upamecano, Tah, Laimer; Kimmich, Pavlovic; Diaz, Musiala, Olise; Kane.
PSG (4-3-3): Safonov; Zaire-Emery, Marquinhos, Pacho, Mendes; Neves, Vitinha, Ruiz; Doue, Kvaratskhelia, Dembele.
Lini një Përgjigje