FLASH
Shkruar nga Pamfleti
Dy humbjet ndaj Bajernit të Mynihut në çerekfinalet e Ligës së Kampioneve i kanë kushtuar Realit të Madridit humbjen e vendit të parë në renditjen e UEFA-s për klube, një pozicion që madrilenët e mbanin për një periudhë të gjatë.
Skuadra bavareze ka marrë tashmë kryesimin me 146.5 pikë, ndërsa Reali zbret në vendin e dytë me 144.5 pikë. Ky ndryshim vjen si pasojë e performancave të viteve të fundit në kompeticionet evropiane.
Në dy sezonet e fundit, Reali i Madridit ka grumbulluar përkatësisht 27 dhe 24.5 pikë, një rendiment që nuk ka mjaftuar për të ruajtur kreun. Sistemi i UEFA-s llogarit vetëm rezultatet e pesë sezoneve të fundit, duke përjashtuar arritjet më të hershme. Për këtë arsye, madrilenët kanë humbur peshën e pikëve të fituara gjatë periudhës së suksesshme kur fituan tre tituj radhazi në Champions League.
Nga ana tjetër, Bajerni ka treguar vazhdimësi në arenën evropiane. Vetëm këtë sezon ka grumbulluar 38.2 pikë, duke arritur në gjysmëfinale dhe duke fituar 7 nga 8 ndeshjet në fazën e ligës. Në pesë sezonet e fundit, bavarezët kanë qenë gjithmonë të paktën në çerekfinale dhe në dy raste kanë arritur gjysmëfinalen.
Aktualisht, skuadra gjermane ka mundësinë të avancojë edhe më tej këtë sezon, por për të siguruar finalen duhet të kalojë pengesën PSG.
Lini një Përgjigje