FLASH
Shkruar nga Pamfleti
Kristjan Asllani vazhdon të jetë në qendër të vëmendjes dhe fundi i merkatos së janarit po vjen, e mesfushori ende nuk ka vendosur ku do të jetë e ardhmja e shqiptarit. Qendrimi te Torino dhe rikthimi te Interi janë të pamundur dhe largimi i liderit kuqezi duket larg Italisë.
Pavarësisht interesit të Parmës, Sasuolos apo Xhenoas në Serinë A duket se nuk kanë bindur Asllanin, dhe ky i fundit me shumë gjasa duket drejt Turqisë. Lideri i Kombëtares mund të transferohet të Beshiktashi dhe destinacioni i ardhshëm i tij i ardhshëm mund të jetë Stambolli.
Ekipi turk dëshiron të përforcojë mesfushën dhe te shqiptari shikojnë cilësitë e duhura për ekipin për pjesën e mbetur të sezonit. Siç dihet te Beshiktashi aktualisht luan edhe Milot Rashica, ndërsa pjesë e turqve në të kaluarën ka luajtur edhe Ernest Muçi. Gjithsesi në ditët e ardhshme mbetet të shihet se çfarë do të ndodhë me të.
Lini një Përgjigje