FLASH
Shkruar nga Pamfleti
FIFA ka hedhur në shitje një suvenir të veçantë për tifozët e futbollit: copa autentike të barit nga fusha që do të përdoret në finalen e Kupës së Botës 2026, e cila do të zhvillohet më 19 korrik në stadiumin MetLife në New Jersey.
Çdo copë bari kushton 450 dollarë dhe prezantohet si një kujtim zyrtar nga ndeshja më e rëndësishme e turneut. Ajo ruhet në një kuti premium prej akriliku dhe shoqërohet me një USB përkujtimore.
Sipas përshkrimit në dyqanin zyrtar të FIFA-s, secili segment bari ka përmasa 17.5 × 17.5 × 17.5, megjithëse nuk specifikohet nëse këto janë në centimetra, inç apo milimetra.
FIFA bën të ditur se porositë do të dërgohen vetëm pas përfundimit të finales së Kupës së Botës, ndërsa suveniri është i disponueshëm për dërgesë vetëm në adresat brenda Shteteve të Bashkuara dhe Evropës.
Ky është një nga produktet më ekskluzive të lançuara për Botërorin 2026, duke u ofruar koleksionistëve dhe tifozëve mundësinë të zotërojnë një pjesë autentike të historisë së futbollit.
Lini një Përgjigje