FLASH
Shkruar nga Pamfleti
‘Në Big Brother kurrë’, kjo është deklarata e dikurshme e Kiara Titos, shumë e ngjashme me atë të stresit, i cili tha para disa kohëve në një intervistë: “Nëse ka një gjë që Arkimed Lushaj nuk e bën kurrë, është të futet në “Big Brother”.
Deklarata e Stresit u bë virale e u kthye në meme, menjëherë pasi ai hyri në “Big Brother Vip Kosova.”
Tani është radha e banores së “Big Brother Vip Albania”, e cila po bëhet virale me një deklaratë të ngjashme. Kiara Tito, në një intervistë të dhënë shumë kohë më parë, ka thënë me bindje se nuk do të futej kurrë në “Big Brother”.
“Unë në “Big Brother” jo, sepse nuk më pëlqen që të jetoj brenda për brenda katër mureve pa dalë fare nga shtëpia, jo nuk e bëj do këtë gjë”- shprehej dikur Kiara.
Sot, moderatorja jo vetëm që është futur në “Big Brother Vip”, por ka rezistuar për më shumë se 70 ditë “brenda katër mureve.”
Madje, Kiara ka gjetur edhe dashurinë e jetës në këtë format, në të cilin thoshte se nuk do të futej. Gjatë qëndrimit të saj në shtëpi, Kiara e ka shprehur hapur dëshirën e saj për t’i shkuar deri në fund këtij rrugëtimi, pse jo edhe ta fitojë.
Epo, kurrë mos thuaj kurrë!
Lini një Përgjigje