FLASH
Shkruar nga Pamfleti
Veshja e një xhakete të kuqe me simbolin e flamurit shqiptar, shqiponjën dy krenare, në pjesën e shpinës, e këngëtarit me famë botërore Drake, bëri bujë kudo ku kishte shqiptarë.
Pas Drake, edhe një këngëtar tjetër amerikan me famë ndërkombëtare është parë duke veshur një bluze e cila ka si logo një shqiponjë me dy koka. Bëhet fjalë për reperin Kanye West. Mediat amerikane thonë se ky veprim është një diss për Drake.
Sipër logos është shkruar fjala “Vultures”, e cila përkthehet shkaba dhe ky është titulli i këngës më të fundit të Kanye West.
Por gjithashtu, sipas mediave, emblema mund të interpretohet edhe si një ndryshim i stemës gjermane, e cila është përdorur nga Gjermania naziste deri në vitin 1935.
Kujtojmë se Drake u shfaq i veshur me xhaketën e personalizuar me simbolin shqiptar në këngën e tij më të fundit, “Polar Opposites”, e cila është një ndër këngët e albumit “For All the Dogs”. Edhe më të veçantë këtë rast e bën fakti së ndër rreshta në këngën “Polar Opposites”, Drake përmend Prishtinën. Thuhet se ai ia dedikoi këngën një vajze shqiptare me ermin Mariana, duke i shprehur se i ka thyer besimin.
Lini një Përgjigje