FLASH
Shkruar nga Pamfleti
Dita e Babait u shndërrua në një tjetër moment që riktheu vëmendjen te marrëdhënia e përfolur mes Brooklyn Beckham dhe familjes së tij.
Victoria Beckham publikoi në Instagram një fotografi familjare të realizuar vite më parë, ku shfaqej së bashku me bashkëshortin David Beckham dhe katër fëmijët e tyre, Brooklyn, Romeo, Cruz dhe Harper.
“David, ti je vërtet babai më i mirë. Arritja jote më e madhe kanë qenë gjithmonë fëmijët tanë të mrekullueshëm dhe ne të duam shumë. Gëzuar Ditën e Babait”, shkroi stilistja.
Edhe David Beckham ndau një seri fotosh familjare, duke përfshirë imazhe me secilin prej fëmijëve. Postimi nisi me një fotografi bardhezi nga fëmijëria e tyre, ku Brooklyn shihej duke mbajtur në krahë motrën e vogël, Harper.
“Të qenit baba është puna më e rëndësishme e jetës sime. Ju dua të gjithëve dhe falënderoj Victorian që na dhuroi këtë familje të mrekullueshme. Gëzuar Ditën e Babait për të gjithë baballarët në botë”, shkroi ish-futbollisti.
Postimet morën vëmendje të veçantë pasi vijnë në një periudhë kur mediat britanike vazhdojnë të raportojnë për një ftohje të marrëdhënieve mes Brooklyn Beckham dhe pjesës tjetër të familjes.
Sipas raportimeve të The Sun, 27-vjeçari thuhet se ka kërkuar më shumë privatësi gjatë kësaj periudhe të tensionuar. Një burim i afërt me situatën deklaroi se ai është i pakënaqur me faktin që vazhdon të përfshihet publikisht në postimet familjare.
“Thjesht po e hapin sërish situatën. Ai do të donte që gjithçka të lihej pas dhe të kishte qetësi”, citohet të ketë thënë burimi.
Ajo që tërhoqi vëmendjen ishte mungesa e çdo reagimi nga Brooklyn ndaj postimeve të prindërve të tij. Ndryshe nga vëllai i tij Cruz, i cili komentoi publikisht në fotografitë e publikuara, Brooklyn zgjodhi të mos bëjë asnjë reagim.
Ndërkohë, bashkëshortja e tij, Nicola Peltz, ndau në rrjetet sociale një dedikim emocional për babanë e saj.
“Jam shumë me fat që jam vajza jote. Ti je babai më i mirë në botë. Faleminderit që je gjithmonë mbështetës dhe që më ke mësuar të jem e fortë dhe të mos dorëzohem kurrë. Të dua pafund”, shkroi ajo.
Lini një Përgjigje