FLASH
Shkruar nga Pamfleti
Mbrëmja e djeshme në shtëpinë e Big Brother u shënua nga një moment emocionues për Mateon, i cili u surprizua nga hyrja e nënës së tij në spektakël. Mes përqafimeve dhe lotëve, ajo u shpreh krenare për rrugëtimin e të birit në lojë dhe i uroi atij fitoren.
Gjatë takimit, nëna e Mateos komentoi edhe raportin e tij me Brikenën, duke e vlerësuar pozitivisht afrimitetin mes tyre.
“Duken shumë bukur bashkë, është e para që na ka prezantuar botërisht”, u shpreh mamaja e Mateos.
Momenti mori një tjetër kthesë kur Ledioni e pyeti nëse dëshironte të takonte Brikenën. Ajo pranoi menjëherë, ndërsa edhe banorja e priti me entuziazëm këtë takim. Në përballjen mes tyre, nëna e Mateos dha një mesazh të qartë mbështetjeje për marrëdhënien.
“Na keni kënaqur kur ju shohim bashkë, jeni të rritur çdo gjë që bëni e bëni për veten, veproni me zemër marrëdhënies tuaj ja vendosni vetë ju emrin kështu që mos u shqetësoni për asgjë”, tha mamaja e banorit.
Takimi u mbyll me një gjest simbolik nga Brikena, e cila i dhuroi nënës së Mateos një pako me ëmbëlsira, duke e bërë edhe më të ngrohtë atmosferën dhe duke reflektuar raportin pozitiv mes tyre.
Lini një Përgjigje