FLASH
Shkruar nga Pamfleti
Ditët e ftohta që na presin kërkojnë rroba dhe aksesorë të ngrohtë. Por edhe nëse mëngjeset me ngrica dhe moti më i ftohtë kërkojnë rroba të thurura dhe veshje të trasha të sipërme, ka disa truke stilimi që mund t’i përfshijmë në veshjet tona për ta mbajtur stilin. Kur bëhet siç duhet, veshja me shtresa për të ftohtin mund të jetë një mjeshtëri në veshjen shumëfunksionale.
Praktika që është e ndërthurur drejtpërdrejt me stinën e dimrit na ndihmon gjithashtu të shfrytëzojmë të gjitha pjesët në gardërobën tonë dhe të krijojmë kombinime të reja dhe të freskëta që mund të na çojnë pa probleme nga mëngjesi në darkë dhe në çdo rast.
Kombinime të freskëta
Mënyra më e lehtë për t’i mbajtur gjërat kryesore të gardërobës suaj të duken të freskëta është përmes stilimit: mendoni për një bluzë të bardhë poshtë një xhakete të thurur, e cila menjëherë e kthen pamjen nga zyre në të përditshme. Kombinojini ato me pantallona me këmbë të gjera, një pallto të rehatshme dhe aksesorë elegantë prej lëkure.
Triko e hedhur mbi supe
Mënyra e preferuar e fashionistave për të veshur rrobat e thurura këtë sezon? Ose në një nyjë ose thjesht e hedhur mbi supet e një palltoje. Si alternativë, provoni të vendosni mëngët e një trikoje rreth qafës - do të habiteni se sa lehtë mund ta ngrejë një pamje më elegante.
Bluzë me jakë
Ky është truku përfundimtar i stilimit të viteve '90: vishni një bluzw me jakw, por sidomos nën këmisha me gjatësi mesatare dhe xhaketa të mëdha. Truku për të përshtatur këtë pamje është të investoni në pëlhura super të holla dhe cilësore që nuk duken shumë të rënda nën këmisha ose xhaketa. Plotësoni pamjen me pantallona me këmbë të gjera dhe një pallto leshi për një ditë të ftohtë dimri.
Tekstura të ndryshme në të njëjtat tonalitete
Një kombinim monokromatik nga lart poshtë nxjerr vetëbesim dhe elegancë, megjithatë është relativisht i lehtë për t’u realizuar. Dhe ndërsa një pamje krejtësisht e kuqe kërkon shumë guxim për t’u realizuar, nuanca e dytë e preferuar e sezonit një kafe e ngrohtë është një opsion më pak frikësues për të eksperimentuar.
Lini një Përgjigje