FLASH
Shkruar nga Pamfleti
Në përleshjen mes grupit të huliganëve të Dinamos së Zagrebit “Bed Blue Boys”, dhe tifozëve të AEK-ut të Athinës mbeti i vrarë tifozi Mikalis Kacuris dhe policia arrestoi përfundimisht mbi 100 huliganë kroatë të vendosur në burgjet greke.
Hetimet janë ende në vazhdim, janë ngritur aktakuza, por ende nuk dihen dënimet përfundimtare, as për individët dhe as për klubin. Nisur nga fjalët e njeriut të parë të UEFA-s, duket se Dinamo do të ikë pa pasoja të rënda.
“Dinamo e Zagrebit si klub nuk është e përfshirë fare në procese. Ne e morëm vendimin në bazë të gjetjeve të shërbimeve të sigurisë. Në rastin konkret të ngjarjes tragjike, Dinamo si klub, as që e dinte që ky grup tifozësh kishte udhëtuar drejt Athinës. Këta janë kriminelë që u organizuan, shkuan në Athinë dy ditë para ndeshjes dhe bënë atë që bënë,” - tha Ceferin, sipas mediave sllovene.
Dinamo me shumë gjasa do të kalojë pa një dënim të rëndë tërbimin e huliganëve.
“A do të ishte vërtetë e drejtë të dënohej klubi dhe 99.9 për qind e tifozëve të pafajshëm për shkak të disa idiotëve që tani janë në burg? Si mund ta dinte klubi që disa huliganë dhe kriminelë hipën në një furgon me qira në orën dy të mëngjesit dhe u nisën për në Greqi? Për shkak se janë shumë të tillë, kanë edhe pushtet politik.
Ata mund të ndikojnë në rezultatin e zgjedhjeve, mund të marrin pjesë në protesta... Siç u tha, kur ndërmerren veprime, lidhemi me shtetet. Nëse një nga vendet nuk mund të reagojë në mënyrë adekuate, nëse mbrojtja e grupeve të tifozëve është shumë e fortë, do të detyrohemi të zbrasim stadiumin. Kjo mund të ndodhë së shpejti me disa klube dhe kombëtare. Dhe në këtë rast, 99 për qind e mbetur e tifozëve do të duhet të mendojnë nëse e konsiderojnë të pranueshme që të privohet nga shikimi i lojës në fund. Shumica e njerëzve nuk janë racistë, nazistë apo huliganë. Këto janë vetëm më të zhurmshmet. Në shoqëri, keqbërësit janë gjithmonë më të zëshmit”.
Ai komentoi largimin e lojtarëve të Ceferin në Arabinë Saudite.
“Mendoj se kjo historia me Arabinë Saudite do të zgjasë relativisht pak. Tashmë e kam thënë disa here, që për mendimin tim kjo është një qasje e gabuar për zhvillimin e futbollit. Duke sjellë futbollistë që praktikisht e kanë mbaruar karrierën në Europë, nuk po e zhvillon sportin. Kina bëri të njëjtën gjë disa vite më parë, por kombëtarja e saj nuk arriti të kualifikohej në Kupën e Botës,”- tha slloveni, i cili të shtunën festoi përvjetorin e shtatë në krye të UEFA-s.
Lini një Përgjigje