FLASH
Shkruar nga Pamfleti
Ish-kryetari i KQZ-së, Mazllum Baraliu ka kërkuar dorëheqjen e kryetarëve të komunave në veri, pasi shkarkimi përmes peticionit qytetar zvarrit shpalljen e zgjedhjeve të reja.
Mazllum Baraliu thotë për KosovaPress se pavarësisht nisjes së procedurave për hartimin e një udhëzimi administrativ për iniciativën e qytetarëve për largimin e kryetarëve të komunave në veri, duhet një marrëveshje politike që këta të fundit të japin dorëheqje, pasi stërzgjatja e zgjedhjeve të reja në veri i shkon përshtat vetëm Serbisë.
Qeveria e Kosovës gjatë kësaj jave ka nisur procedurat për largimin e kryetarëve të zgjedhur në veri të Kosovës dhe shpalljen e zgjedhjeve të reja. Ministria e Administrimit të Pushtetit Lokal si përgjegjëse e çështjeve të pushtetit lokal ka formuar një grup punues për hartimin e një udhëzimi administrativ për për iniciativën e qytetarëve për largimin e kryetarëve të komunave.
Ky udhëzim administrativ është thënë se do të hartohet deri më 1 shtator.
Lini një Përgjigje