FLASH
Shkruar nga Pamfleti
Kuvendi i Kosovës votoi sot një rezolutë në mbështetje të krerëve të UÇK-së që po përballen me proces gjyqësor në Hagë. Nismën e paraqiti PDK. Deputetët miratuan tekstin me 90 vota pro, një kundër dhe pa asnjë abstenim. Kundër votoi deputeti i Lëvizjes Vetëvendosje, Fatos Geci. Lista Serbe nuk ishte e pranishme në sallë.
Lidhja Demokratike e Kosovës deklaroi mbështetje për rezolutën, por kërkoi përfshirjen e një pike që lidhet me dhënien e drejtësisë për vrasjet politike. Kërkesën e paraqiti shefja e Grupit Parlamentar të LDK-së, Jehona Lushaku.
Kreu i Grupit Parlamentar të PDK-së, Përparim Gruda, kundërshtoi ndryshimin. Ai sqaroi se një grup ekspertësh kishte hartuar tekstin dhe se nuk parashikohej rihapja e tij për amendime. Pas këtij qëndrimi, deputetët e LDK-së vendosën të mos marrin pjesë në votim.
Kryeparlamentarja Albulena Haxhiu deklaroi se Kuvendi do të trajtojë edhe çështjen e vrasjeve politike, por kërkoi që rezoluta në fjalë të hidhej në votim pa ndryshime.
Pas përfundimit të votimit, Jehona Lushaku theksoi se LDK-ja pajtohej me pikën e rezolutës, por jo me përmbajtjen e saj.
Me këtë vendim, Kuvendi formalizoi mbështetjen politike për ish-drejtuesit e UÇK-së që po gjykohen në Gjykatën Speciale.
Lini një Përgjigje