
Situata në Veri të Kosovës është tensionuar ndjeshëm. Policia ka përdorur gaz lotsjellës, ndërsa ka pasur dhe të shtëna me armë zjarri.
Të shtëna me armë zjarri janë dëgjuar në Komunën e Zubin Potokut.
Sot gjatë ditës janë grumbulluar qytetarë serbë në katër komunat veriore për t’i penguar kryetarët e rinj që të hyjnë nëpër objektet e komunave, njofton Klan Kosova.
Në komunën e Zveçanit ka pasur një përleshje mes serbëve të grumbulluar dhe Policisë së Kosovës.
Përveç një veture të djegur të Policisë së Kosovës, nuk raportohet për dëme në njerëz.
Lini një Përgjigje