FLASH
Shkruar nga Pamfleti
Gjykata Themelore e Prishtinës ka lënë në burg sulmuesit serbë që qëlluan ndaj Policisë së Kosovës.
Pas daljes nga gjykata ata janë shoqëruar nga trupat e njësisë speciale të Policisë së Kosovës.
E pranishme në këtë moment ka qenë motra e njërit prej të arrestuarve.
“Dushan, Dushan, qëndro i fortë”, mësohet se thërret ajo teksa i vëllai futet në makinën e policisë.
Gjykata vendosi 30 ditë paraburgim për Dushan Maksimoviç dhe Blagoje Spasojeviç të dyshuar për sulmin terrorist të së dielës në Banjskë të Zveçanit.
Avokati i Maksimoviç tha se këtë vendim do ta apelojë. Ndërsa motra e tij, Biljana, deklaroi se hetimi do të dëshmojë të vërtetën rreth rastit të vëllait të saj.
Kujtojmë që një ditë më parë, e njëjta masë sigurie u caktua edhe për Vladimir Toliç.
Lini një Përgjigje