FLASH
Shkruar nga Pamfleti
Kryeministri i Kosovës, Albin Kurti ka thyer heshtjen pas kritikave që mori nga ndërkombëtarët për tensionet në veri.
Shtetet e Bashkuara paralajmëruan se veprime të tilla do të rezultojnë “me pasoja” në raportet dypalëshe me Kosovën.
Por Kurti tha për “RTV Duakgjinin”, para një takimi me ambasadorët e akredituar në Kosovë dhe kryetarin e Pejës, se e ka mbështetjen e ndërkombëtarëve dhe “puna po ecën mirë”.
“Sa i përket ditës së djeshme ajo çfarë është e rëndësishme të theksohet është që krejt çka kemi synuar ne si Qeveri dhe institucione të Republikës është të mundësojmë që kryetarët e komunave të zgjedhur në zgjedhje demokratike të kenë qasje dhe të punojnë në zyrat e tyre, ku duhet t’i shërbejnë të gjithë qytetarëve pa dallim feje, etnie e prejardhje. Dhe besoj që për këtë do ta kemi mbështetjen e të gjithë faktorëve ndërkombëtarë…E kemi mbështetjen e ndërkombëtarëve dhe mirë po shkon puna”, ka thënë Kurti.
Lini një Përgjigje