FLASH
Shkruar nga Pamfleti
I dërguari i Bashkimit Evropian për dialogun Kosovë-Serbi, Miroslav Lajçak ka treguar për agjendën e tij gjatë kësaj jave.
Ai ka përmendur edhe takimin në Bratislavë me zëvendëskryeministrin e Kosovës, Besnik Bislimin që përfundoi me marrëveshje Kosovë-BE, ku Kosova u pajtua për masa të de-përshkallëzimit të situatës në Veriun e Kosovës.
Në vazhdimësi të këtij procesi, emisari i BE-së paralajmëroi një takim në mes Kosovës dhe Serbisë në nivel negociatorësh, Bislimi e Petar Petkoviç.
Një hap ky që do të sillte sërish në tavolinën e bisedimeve Kosovën dhe Serbinë pas shkëputjes si shkak i tensioneve në veri.
”Të dy i informova për situatën rajonale, hapat e nevojshëm për de-përshkallëzimin dhe kthimin në dialogun e lehtësuar nga BE. Të dy vendet janë partnerë të rëndësishëm në Ballkanin Perëndimor. Unë jam mirënjohës për mbështetjen e tyre në punën time dhe pres me padurim bashkëpunimin tonë të vazhdueshëm”, shkroi ndër të tjera Lajçak në Facebook.
Lini një Përgjigje