FLASH
Shkruar nga Pamfleti
Lideri i Bashkimit Demokratik për Integrim, Ali Ahmeti ka reaguar lidhur me incidentin në aeroportin e Shkupit me presidenten e Kosovës, Vjosa Osmani.
Ai e cilëson një skandal të papranueshëm këtë ngjarje teksa shton se ndihet i turpëruar.
“E dashur Presidente, më vjen shumë keq për incidentin dhe skandalin e papranueshëm diplomatik në aeroportin e Shkupit dhe e dënoj në formën më të ashpër të mundshme.
Unë skuqem nga turpi i tyre dhe lus të gjithë vëllezërit dhe motrat në Kosovë, por edhe qytetarët tanë, që t’i falin për arsye se nuk dinë se ç’bëjnë.
Kur nuk kanë turp të shkelin mbi popullin e vet, mbi vullnetin demokratik të qytetarëve në zgjedhje e të vihen në shërbim vazal e servil të tjetrit duke na sjellë Putinin e Vuçiçin në Qeveri, atëherë si pyet askush për asgjë dhe na turpërojnë çdo ditë, nga disa herë me radhë”, shkruan Ahmeti.
Lini një Përgjigje