FLASH
Shkruar nga Pamfleti
Policia e Kosovës ka arrestuar tre persona të dyshuar për sulmin fizik ndaj gazetarit Valon Syla.
Këtë e ka bërë të ditur ministri i Punëve të Brendshme, Xhelal Sveçla, përmes llogarisë së tij në Facebook.
“Pas një pune intensive të Policisë së Kosovës, tashmë janë arrestuar tre sulmuesit e gazetarit Valon Syla. Përgëzoj Policinë e Kosovës për përkushtimin dhe profesionalizmin që garanton siguri për të gjithë si dhe sundim të rendit dhe ligjit”, ka shkruar Sveçla.
Gazetari Valon Syla pretendon se sulmi mund të ketë lidhje me reagimet e tij rreth përfaqësuesve të Komuniteit Mysliman në Kosovë. Syla i përshkruan tre të dyshuarit si “islamikë fanatikë”.
Për rastin në fjalë, pati reagime të ashpra të shoqërisë civile, liderëve institucionalë, e Bashkimit Evropian.
Lini një Përgjigje