FLASH
Shkruar nga Pamfleti
Policia e Kosovës është vënë në alarm pas gjetjes së një mjeti shpërthyes në Qendrën Klinike Universitare të Kosovës.
Zëdhënësi i Policisë së Prishtinës, Agron Borovci tha se mjeti është gjetur në Institutet paraklinike, në hapësirat ku është vendosur Oda e Mjekëve të Kosovës.
Policia ka shkuar menjëherë në vendngjarje dhe ka rrethuar objektin, duke krijuar një perimetër sigurie për të bërë të mundur çaktivizimin e mjetit shpërthyes.
“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme për t’u siguruar nga rreziku i shpërthimit eventual, duke evakuuar personelin përreth dhe siguruar perimetrin e nevojshëm”, shprehet Borovci.
Lini një Përgjigje