FLASH
Shkruar nga Pamfleti
Emisari special i BE-së për dialogun Kosovë-Serbi, Miroslav Lajçak, ka zhvilluar takim me kryediplomatin grek, Nikos Dendias, për diskutimin e procesit të dialogut Kosovë-Serbi, si dhe për rajonin.
Për takimin dje ka njoftuar Dendias, i cili ka dhënë disa detaje për temën e takimit.
“Gjatë një takimi të mbajtur më herët sot në Ministrinë e Jashtme të Greqisë, diskutova me Përfaqësuesin Special Miroslav Lajçak për progresin e dialogut Beograd-Prishtinë dhe perspektivën europiane të Ballkanit Perëndimor”, tha Dendias.
Ndërkaq, sot Lajçak e ka falënderuar Dendias për interesin dhe mbështetjen e tij në përpjekjet në detyrat e tij në Ballkanin Perëndimor.
“Faleminderit i dashur Nikos Dendias për interesin e Greqisë për Ballkanin Perëndimor dhe mbështetjen për përpjekjet tona të përbashkëta në rajon”.
Emisari Lajak përgjatë procesit të dialogut ka zhvilluar shpesh takime me kryediplomatin grek.
Ndërkohë ditën e djeshme, mediat në Beograd shkruan se Vuçiç është në panik sepse Greqia po përgatitet të njohë pavarësinë e Kosovës.
Lini një Përgjigje