FLASH
Shkruar nga Pamfleti
Deputeti i PS-së Tërmet Peçi ka dale nga ambientet e Prokurorinë e Posaçme SPAK, pas më shumë se dy orësh. Teksa doli nga Prokuroria e Posaçme, Peçi u pyet nga gazetarët në lidhje me arsyen e thirrjes në SPAK dhe nëse kjo kishte lidhje me “përplasjet’ e tij me kryeministrin Rama. Ish-kryebashkiaku deklaroi se për këtë duhen pyetur prokurorët e SPAK.
Pavarësisht se nuk është thënë asgjë lidhur me arsyen e thirrjes së tij në SPAK, Peçi është pyetur disa kohë më parë nga SPAK për firmat që ka hedhur gjatë kohës që ka mbajtur detyrën e kryetarit të bashkisë Tepelenë.
Bëhet fjalë për një procedim të hapur mbi mënyrën se si është privatizuar ish pallati i pionierëve në këtë qytet, kallëzuar nga njëri prej pronarëve të objektit.
Gjithashtu Peçi është denoncuar edhe nga opozita dhe konkretisht nga Arben Ristani që kërkoi hetime nga SPAK për mënyrën si janë zhvilluar tenderat duke akuzuar se përftuesit ishin zgjedhur në mënyrë preferenciale.
Lini një Përgjigje