FLASH
Shkruar nga Pamfleti
Sesioni i ri parlamentar për vitin 2026 nisi me tensione.
Që në nisje të seancës, teksa kreu i Kuvendit Niko Peleshi mori fjalën, deputetët e PD bllokuan foltoren dhe kanë kërkuar largimin e zv.kryeministres Belinda Ballukut nga salla.
“Si nuk u lodhe o burrë”, dëgjohet Peleshi duke iu drejtuar Gazment Bardhit i cili fliste mbi fjalën e tij duke kërkuar largimin e Ballukut nga salla e Kuvendit.
“Do kontrollosh ti Edi Ramën? Për kë kontroll po flet? Mblidh Këshillin, dorëzoja drejtësisë”, dëgjohet Bardhi teksa i drejtohet Peleshit.
Ndërkohë, deputetët e opozitës kanë vijuar protestën për prezencën e Belinda Ballukut në sallë.
Kreu i Grupit Parlamentar të PD Gazment Bardhi, theksoi se ka shkelur ligjin duke u bërë mburojë e një të korruptuareje. Opozita e ka quajtur një provokim nga ana e mazhorancës, prezencën e saj në Kuvend.
Lini një Përgjigje