FLASH
Shkruar nga Pamfleti
Nëse synon një ndryshim real, ish-ministrja duhet ta nisë nga baza e Partisë Socialiste dhe nga reforma e vetë sistemit. Përndryshe, gjithçka rrezikon të mbetet vetëm një lëvizje brenda së njëjtës kastë politike...
Elisa Spiropali e depozitoi platformën e saj shumë kohë pasi Edi Rama deklaroi publikisht se e priste me padurim atë dokument. Çka do të thotë se ish-ministrja priti që të kishte disponueshmërinë politike të shefit të saj.
Dokumenti që ajo paraqiti nuk është një traktat politik apo një mocion me kushte dhe kërkesa konkrete për një ndryshim të thellë.
Ai përbëhet kryesisht nga formulime të përgjithshme, të cilat në thelb flasin për një “reflektim” politik ndaj krizës së krijuar nga protestat.
Platforma erdhi pikërisht pasi Edi Rama bëri të ditur se kishte ngritur një ekip që po punonte mbi kërkesat dhe ndjeshmëritë e dala nga protesta, për të ndërtuar një përgjigje politike.
Pikërisht në këtë moment “rastisi” që të dilte edhe dokumenti i Elisa Spiropalit.
Një përkim kohor që lë vend për interpretimin se të dyja lëvizjet mund të jenë pjesë e së njëjtës manovër politike.
Nëse realisht Elisa Spiropali synon një ndryshim politik brenda Partisë Socialiste, ajo duhet ta nisë nga baza.
Duhet të takojë anëtarësinë e partisë, të hapë debat mbi reformat e brendshme dhe të propozojë ndryshime të forta në mënyrën si funksionon Partia Socialiste dhe shteti.
Që nga mënyra e përzgjedhjes së ministrave, te mënyra e kandidimit të deputetëve, e deri te vendosja e një demokracie të vërtetë përfaqësuese.
I vetmi propozim konkret që përmban dokumenti i saj është ai për miratimin e një sistemi proporcional kombëtar me lista të hapura.
Një ide që, sipas të gjitha gjasave, po diskutohet edhe në tryezën Gjiknuri–Bylykbashi.
Megjithatë, aksioni politik i nisur nga Elisa Spiropali nuk duket se ka krijuar ende jehonë në bazën e Partisë Socialiste.
Kritikat e saj po përdoren kryesisht nga opozita.
Një zhvillim krejt normal në logjikën politike, sepse opozita ka interes të thellojë perceptimin për mungesën e kohezionit brenda mazhorancës.
Por pyetja shtrohet:
Nëse Edi Rama do ta rikthejë sërish “Mamicën”, qoftë në qeveri apo në një post tjetër të lartë institucional, cili do të jetë roli i saj përballë “Skënderbeut”?
Një aksion politik i vërtetë nuk ndërtohet mbi mllefe personale apo rivalitete.
Ai ndërtohet mbi parime, ide dhe një vizion të ri politik.
Nëse shoqëria shqiptare kërkon një ndryshim të kastës politike, ai nuk mund të kufizohet te zëvendësimi i disa individëve.
Ai duhet të nisë me ndërtimin e një të majte të re.
Sepse zëvendësimi i një kaste me një tjetër nuk është reformë.
Është vetëm një rokadë.
Një lëvizje në boshllëk.
Mazhoranca aktuale, me gjithë pushtetin e grumbulluar, mund të përjetojë një humbje të ngjashme me modele të tjera europiane, ku forca politike që kanë dominuar për vite me radhë janë rrëzuar dhe janë zëvendësuar nga realitete të reja.
Por ekziston edhe një mundësi tjetër.
Transformimi nga brenda i Partisë Socialiste.
Përmes një revolucioni të thellë idesh, parimesh dhe brezash.
Në të kundërt, historia rrezikon të përsëritet.
Ashtu si ndodhi herën e parë, kur Elisa Spiropali kaloi nga imazhi i “Bletës Punëtore” në figurën e “Mamicës së Skënderbeut”, duke u katapultuar në postet më të larta të shtetit, si kryetare e Kuvendit dhe minister e Jashtme./Pamfleti
Platforma e znj. Spiropali eshte filozofik, ku ajo tregon se e njeh mire filozofine. Por asgje konkrete. Edhe Elisa, si puna e Rames, nuk jane socialiste. Rama i asgjesoi socialistet. Tani eshte i angazhuar te asgjesoj edhe socialistin e fundit, Erion Braçen. Kam dyshim se Elisa mban kete qendrim, te rakorduar me Ramen. Meqenese nuk shikoj alternative tjeter per qeverisjen e vendit, mendoj se Rama duhet te vazhdoj qeverisjen e vendit, per te mos nderprere punen e Integrimit ne BE. Por duhet te degjoj dhe te shikoj se çfare po ndodh ne qeverisjen e tij, ne pensionisteve na ka poshteruar, fermeret i ka raskapitur, fshatrat i ka asgjesuar, nepotizem ekstrem, mungese transparence dhe llogaridhenie etj.
Sillu, sillu, Rrumbullak, Ku ishe moj bijë, Kërkund more plak…..
dardha bie nen dardhe.....me qe ky pensionisti nuk sheh me larg se hunda e vet....se nuk ka tjeter te qeverise qenka i semure me kancer ne tru....me keq se enveri....qe dukeshe i pa zevendesushem.....te verberit e ketij lloji thonin pu cna gjeti vdiq enveri dhe tani do na mari lumi....ky komb shpeton mos degjoje perverset politike qe formojne envere te rinj si dyshja RAMA SALI.....edhe ky na thoka spaska te tjere pervec ALI BABES me 40 ajdute dhe plakun MRE SALI.....njerez te tille e varrosin kte vend....ky vend ka dhe do kete gjithmon njerez te rinj 1000 here me te mire se dyshja RAMA SALI.....se mamica eshte gjynaf dhe pjell e tyre......