FLASH
Shkruar nga Pamfleti
Komisioni i Etikës ka përjashtuar nga Kuvendi 6 deputetët e Partisë Demokratike. Pavarësisht tensioneve dhe përplasjeve, mësohet se mazhoranca ka marrë vendimin e vetme.
Dje në sallën e Parlamentit pati përplasje të forta, ku nuk munguan as konfliktet fizike. Por sherri ka vijuar dhe sot. Pak më parë Berisha dhe deputetët pranë tij u futën në Komisionin e Etikës dhe bllokuan mbledhjen. Flamur Noka prishi mikrofonët, por sërish PS ka vendosur përjashtimin e tyre.
Gazmend Bardhi, Bledion Nallbati, Flamur Noka, Edi Paloka dhe Albana Vokshi janë përjashtuar 10 ditë. Ndërkohë Saimir Korreshi është përjashtuar për 3 ditë.
Me një shkresë drejtuar Kuvendit, 13 deputetë të PS kërkuan masë disiplinore për deputetë të cilët sipas tyre, në seancën e 30 tetorit 2023 në thyerje të rëndë të Rregullores së Kuvendit dhe të Kodit të sjelljes së Deputetit të Kuvendit të Shqipërisë, bllokuan foltoren e Kuvendit, hoqën kartat nga pajisjet elektronike të deputetëve të Grupit Parlamentar të PS të cilët ishin të regjistruar për të diskutuar mbi çështjet e evidentuara nga zgjedhësit.
Deputetët e PS kërkuan dhe përjashtimin e deputetit Lefter Gështenja, por Komisioni i Etikës nuk e ka pranuar.
Lini një Përgjigje