FLASH
Shkruar nga Pamfleti
Kuvendi ka njoftuar heqjen e mandatit të deputetit të PD-së, Ervin Salinaji, pas dënimit të këtij të fundit me 1 vit burg, me vendim të formës së prerë nga Gjykata e Apelit, për kallëzim të rremë.
Në hapje të seancës plenare, kryetarja e Kuvendit, Elsia Spiropali njoftoi humbjen e mandatit të Salianjit duke ju referuar nenit 71, të Kushtetutës.
Në rastin e Salinjit nuk pati mbledhje të Këshillit të Mandateve për heqjen e mandatit, pasi për rastin në fjalë, Kushtetuta e ka të parashikuar në nenin 71, se si veprohet me vendimet e formës së prerë.
Neni 71: “1. Mandati i deputetit fillon ditën që ai shpallet i zgjedhur nga komisioni përkatës i
zgjedhjeve. 2. Mandati i deputetit mbaron ose është i pavlefshëm, sipas rastit:
a) kur ai nuk bën betimin; b) kur heq dorë nga mandati; c) kur vërtetohet një nga kushtet e pazgjedhshmërisë ose papajtueshmërisë të parashikuara në nenet 69, 70 paragrafët 2 dhe 3; ç) kur mbaron mandati i Kuvendit; d) kur mungon pa arsye mbi 6 muaj rresht në Kuvend; dh) kur dënohet me vendim gjyqësor të formës së prerë për kryerjen e një krimi.”
Tani Kuvendi do t’i drejtohet Komisionit Qendrorë të Zgjedhjeve për të shpallur vakancën. Mandatin e Salianjit pritet që ta marrë Andrea Mano, i cili në zgjedhjet e fundit mori 5465 vota.
Lini një Përgjigje