FLASH
Shkruar nga Pamfleti
Deputeti i Partisë Demokratike Luan Baçi tha se Ervin Salianji do të vijojë fushatën për demokratët nga burgu.
Gjatë fjalës së tij para Parlamentit, Baçi theksoi se kjo situatë ka nisur me arrestimin e Sali Berishës në fund të vitit 2023, ndërsa shtoi se në protestën e 7 tetorit do të flasë populli.
“Ata janë vandalët e korrupsionit. Na quajnë ne vandalë? Burgosën Ervin Salianjin. Salianji do ta vazhdojë fushatën edhe aty, bashkë me ne, ne nuk do të ndalojmë. Kjo ka filluar në 30 dhjetor 2023 me arrestimin e Sali Berishës. Që atë ditë duhet të kishim ndezur zjarr të gjithë vendin. Sot, arrestuan një deputet të PD, nënkryetarin e grupit parlamentar për fjalën e lirë, pse denoncoi një trafikant droge. Nga denoncimi i Ervin Salianjit trafikanti i drogës shkoi në burg në Romë me këmbët e tij. I vendosin emrin kallëzim të rremë, gjyqësor i Edi Ramës. Në 7 tetor do të flasë sovrani, nuk ka fjalime, do të flasin qytetarët”, tha Baçi.
Seanca e sotme parlamentare zgjati vetëm 20 minuta ndërsa u shoqërua me tensione.
Lini një Përgjigje