FLASH
Shkruar nga Pamfleti
Gazetari Poli Hoxha duke komentuar situatën e PD-së, tha se çështja e opozitës ka arritur në një emergjencë kombëtare.
Në një intervistë për emisionin “Drejt” në “RTV Ora”, ai tha se Opozita është në situatë ulëritëse sepse nuk përfaqëson shumicën e shqiptarëve edhe kundër Ramës. Teksa shtoi se nëse kryeministri do të lihet të vazhdojë kështu pa opozitë, do të tejkalojë dhe pushtetin e Enver Hoxhës.
“Çështja e opozitës ka arritur në një emergjencë kombëtare në kuptimin e plotë të fjalës, për demokracinë funksionale. Nëse Rama do të vazhdohet të lihet në këtë rrugë, nuk e di, sepse kanë tejkaluar tashmë edhe pushtetin e Enver Hoxhës.
Demokracia funksionale dhe përfaqësimi çdo ditë e më shumë është ngushtuar dhe po shkatërrohet ekonomia duke u zbrazur edhe vendi. Të gjithë këto vende që janë autokrate kanë krijuar një diferencë ekstreme duke zhdukur shtresën e mesme. Opozita është në situatë ulëritëse sepse nuk përfaqëson shumicën e shqiptarëve edhe kundër Ramës”, tha Hoxha.
Lini një Përgjigje