
Kryetari i Partisë Demokratike, Lulzim Basha në Kuvendin Zgjedhor të degës së PD-së në Elbasan, deklaroi se kryeministri i vendit Edi Rama e sheh Shqipërinë si pronën e tij.
Lulzim Basha nuk kursen akuzat ndaj kryeministrit, ndërsa thekson se se 11 vite pas ardhjes së Ramës në pushtet, Shqipëria është zbrazur.
Sipas Bashës, qeveria e Ramës është më e korruptuara në 34 vite demokraci.
“Qeverisja është kthyer në teatër, ku kemi një aktor të vetëm, që Shqipërinë e sheh si pronën e tij. Vetëm i zoti i shfaqjes merr kënaqësi, jo shqiptarët. Universitetet janë boshatisur nga studentët. Elbasani është braktisur, edhe Korça, edhe Shkodra e qytetet e tjera. 11 vjet pas ardhjes së Ramës në pushtet, Shqipëria u zbraz. Shqiptarët largohen për bukën e gojës dhe për përgjegjësinë që ndjejnë për familjen që duan të krijojnë. Kjo është qeveria më e korruptuar e 34 viteve”, tha Basha.
Lini një Përgjigje