FLASH
Shkruar nga Pamfleti
Paçka se Puka është bashki e vogël, drejtimi administrativ e politik nga dy “non grata”, është tregues real, që Shqipëria është shumë larg BE, për shkak të politikanëve; ndërsa qëndrimi i Edi Ramës, përballë 4 “non grata”-ve, është teatral...
Puka është një bashki e vogël, që në muaj mbledh taksa lokale më pak se paga vjetore e kryetarit, por në këto zgjedhje u bë temë e mediave për dy fakte:
1. Në mbyllje të fushatës elektorale, Edi Rama iu drejtua me përçmim kandidatit opozitar Rrok Doda, duke i thënë: - Ti Rrok je mbetje e zorrës qorre dhe do fitosh “Noc Rrokun” më 14 maj, por ai e mundi thellë Gjonin e Bablokut.
2. Në zgjedhjet për këshillin Bashkiak të Pukës, shumicën e këshilltarëve i fitoi partia e Tomë Doshit, duke lënë mbrapa PS-në e Edi Ramës dhe Partinë Arbnore me nga 2 këshilltarë, dhe PD-në e Lulzim Bashës e koalicionin “Bashkë Fitojmë” të Sali Berishës e Ilir Metës
Edhe në mandatin e kaluar, Tomë Doshi ka pasur shumicën e këshillit dhe zv/kryetarin e në Bashkinë Pukë; madje ka të njëjtët emra, të cilët “de facto” janë socialistë e nëpunës shteti, ngaqë PS e PSD kanë kryetarët “miq për kokë” e janë aleate në qeverisje e parlament.
Nuk e dimë, nëse edhe këtë herë si më 2019-ën, Babloku ia ka lënë vetë shumicën e Këshillit Bashkiak, për t’i bërë karshillëk SHBA-ve, sikur Toma është politikan i fortë.
Por pas humbjes së Gjon Gjonit të Bablokut dhe fitores së Rrok Dodës së opozitës, Puka në mandatin e ri 4-vjeçar, do jetë në duart e dy “non- grata”-ve: Sali Berishës e Tomë Doshit; madje PSD merr Kryetarin e Këshillit dhe 2 vende në Këshillin e Qarkut-Shkodër.
Edhe pse ka fituar shumicën, Toma është në aleancë e pazare llokmash pushteti, me Bablokun që ka fondet lokale, tenderët, trojet e lejet për kulla dhe do ta përdor Këshillin Bashkiak, në shërbim të PS e për interesa të tij personale, siç ka bërë deri sot pazare me Edi Ramën.
Paçka se Puka është bashki e vogël, drejtimi administrativ e politik nga dy “non grata”, është tregues real, që Shqipëria është shumë larg BE, për shkak të politikanëve; ndërsa qëndrimi i Edi Ramës, përballë 4 “non grata”-ve, është teatral.
Me Saliun bënë pazare natën, ndërsa ditën aktron sikur është armik sa për dekor para SHBA, ndërsa me Tomën, Qifen e Dakon deklarohet hapur mik e aleatë.
Nëse Babloku e ka të vërtetë luftën për largimin e Sali Berishës e Ilir Metës nga politika, nuk ka pse lodhet me aktrime para SHBA-BE, por të miratojë projekt-ligjin e trumbetuar me bujë, për ndalimin e ish-komunistëve, ish-spiunëve, kriminelëve e “non grata”-ve në politikë, mes tyre Tomë Doshi kryetar i PSD dhe djali deputet i Qifes./Pamfleti
Lini një Përgjigje