FLASH
Shkruar nga Pamfleti
Kreu i Partisë Demokratike, Sali Berisha, ka mbërritur në selinë qendrore të PD-së, ku është pritur me brohorima nga mbështetësit e tij.
Mbështetësit janë mbledhur përpara selisë së PD-së në prag të protestës kombëtare të thirrur nga opozita, e cila pritet të nisë në orën 18:00, para Kryeministrisë.
Pas disa foltoreve të mbajtura të hënave, opozita vendosi të mbajë një protestë kombëtare kundër korrupsionit qeveritar. Data u vendos pas vendimit të SPAK për të kërkuar arrestimin e zv/kryeministres Belinda Balluku, por edhe daljes së detajeve nga dosja, në të cilën del edhe kryeministri Rama.
Ndërkohë që pritet të nisë tubimi i opozitës, përreth godinës qeveritare janë vendosur kordonë metalikë. Gjithashtu, edhe hyrja e Kryeministrisë është blinduar, teksa janë hequr edhe zbukurimet festive nga frika se mund të dëmtohen.
Pavarësishtë se pritej një protestë e dhunshme, Flamur Noka ka deklaruar pak minuta më parë se janë për tubime paqësore dhe kundër dhunës, megjithatë mbetet për t’u parë se si do të zhvillohet situata.
Lini një Përgjigje