FLASH
Shkruar nga Pamfleti
Deputetët e Partisë Demokratike që do të marrin pjesë në protestën e radhës para Kryeministrisë janë pajisur me maska kundër gazit. Masa është marrë pas përvojave të mëparshme gjatë tubimeve, ku policia ka përdorur gaz lotsjellës për shpërndarjen e turmës.
Sipas burimeve brenda selisë blu, të gjithë deputetët pjesëmarrës janë pajisur paraprakisht me maska mbrojtëse, në pritje të çdo skenari të mundshëm gjatë zhvillimit të protestës.
Në dy protestat e fundit kombëtare, të mbajtura më 24 janar dhe 10 shkurt, pati përplasje mes protestuesve dhe forcave të rendit. Policia përdori gaz lotsjellës dhe autobotë me ujë, ndërsa nga turma u hodhën bomba molotov dhe lëndë piroteknike në drejtim të institucioneve.
Protesta e sotme është e treta kombëtare e opozitës për vitin 2026, ndërsa autoritetet kanë paralajmëruar masa të shtuara sigurie përreth godinës së Kryeministrisë.
Lini një Përgjigje