FLASH
Shkruar nga Pamfleti
Ish-deputeti Ervin Salianji ka publikuar një video nga përplasjet mes votuesve gjatë procesit për zgjedhjen e kryetarit të Partisë Demokratike në qarkun e Korçës.
Sipas tij, procesi është ndërprerë dy herë, pasi persona që nuk figuronin në listat zyrtare kanë tentuar të marrin pjesë në votim.
Në një reagim publik, Salianji akuzon kreun e PD-së, Sali Berisha, se ka bërë marrëveshje me kryeministrin Edi Rama për t’ia “falur” degën e Partisë Demokratike në Korçë, Niko Peleshit.
Ai thekson se demokratët e Korçës nuk pranojnë ndërhyrje apo imponime nga persona të paidentifikuar, duke e cilësuar situatën si të papranueshme.
“Demokratët janë guximtarë, jo dele! I përgëzoj që nuk po lejojnë bashkëqeverisjen në Korçë!
Demokratët e Korçës nuk pranojnë imponime nga njerëz që nuk dihet nga vijnë e kujt i shërbejnë. Është e papranueshme që regjimi Rama–Berisha të kërkojë haptas që Partia Demokratike, dega Korçë, t’i falet Niko Peleshit.
Peleshin demokratët e mundin me votë; nuk pranojnë që ai t’i drejtojë nga prapaskena, me kulisa, tendera dhe përfitime. Korça nuk shitet, demokratët nuk përdoren!”, shkruan Salianji.
Lini një Përgjigje