FLASH
Shkruar nga Pamfleti
Deputeti Edi Paloka, thotë se shqiptarët nuk kanë pyetur nga Enver Hoxha, jo më nga SHBA e Sorosi.
Ai shprehet se i ngjall neveri kur thonë se nuk mund të luftoni dot me SHBA pasi është e fortë, pasi sipas tij shumë shqiptarë kanë luftuar të keqen për të drejtën që kur Enver Hoxha ishte në pushtet.
Paloka tha gjithashtu se lufta e PD është me Sorosin pasi sipas tij, po mban kryeministrin Rama në pushtet për interesa personale.
“Dje u rihap artificialisht një debat që praktikisht është mbyllur për shqiptarët. U nxit sigurisht nga ata që si shërbëtorë të Ramës, i tremb bashkimi i opozitës.
Mua vet veçse më ngjallin pështjellim në stomak ata që me paturpësi deklarojnë se Berisha ka të drejtë, po me SHBA nuk mund të luftosh se është e fortë.
Së pari, ne nuk kemi asnjë luftë me SHBA, përkundrazi pikërisht parimet mbi të cilat ngrihen SHBA, na japin forcën. Ne luftën e kemi me Sorosin, që për interesa të tij po mban në pushtet një monstër si Rama.
Është e vërtetë që Sorosi është i fortë, aq sa të influencojë edhe DASH. Ky është një realitet.
Por unë këtë çështjen e të qëndruarit në krah të më të fortit apo të drejtit e kam zgjidhur me veten që në kohë të Enverit.
Enveri ishte “i forti” që dhe të burgoste, edhe të vriste po të ishe kundër tij, po kjo nuk më bëri as mua e as shumë shqiptarë të tjerë të ishim me Enverin, përkundrazi e luftuam të keqen për të drejtën, edhe pse ishte më e fortë”, shkruan Paloka.
Lini një Përgjigje