FLASH
Shkruar nga Pamfleti
Deputeti i Partisë Demokratike Flamur Noka ka folur lidhur me përplasjet dhe akuzat e kreut të Grupit Parlamentar të PD, Gazment Bardhit. Ky i fundit ka hedhur akuza të forta lidhur me pasurinë e Nokës.
Ai është shprehur se ia ka falur të gjitha akuzat për të mirën e partisë dhe për t’u bërë bashkë kundër regjimit të Edi Ramës. Noka u shpreh gjithashtu se marrëdhëniet me Gaz Bardhin janë të shkëlqyera ndërsa shton se e ka konsideruar si një debat dhe jo sulm.
“Marrëdhëniet me Gazment Bardhin i kam të shkëlqyera dhe për këtë nuk duhet të keni dyshime. Partia Demokratike është një parti vlerash dhe është e vetmja forcë që njeh diversitetin.
Por më rëndësi është që sot ne jemi të gjithë aty në vijën e parë të frontit për të mirën e partisë dhe për të mundur regjimin. Unë ia kam falur të gjitha akuzat, të gjitha gjërat i hedh pas krahëve sepse e konsideroj debat me njeri-tjetrin.
Ndoshta mund të jesh përballë njeriut tënd, por ke edhe armikun përballë dhe duhet të vazhdosh përpara”, tha Noka për “Dritare Tv”.
Lini një Përgjigje