FLASH
Shkruar nga Pamfleti
Kreu i Partisë së Lirisë i cilëson propozimet si përpjekje për mbrojtjen e Ramës nga ndjekja penale
Presidenti i Partisë së Lirisë, Ilir Meta, reagoi ndaj propozimeve për ndryshime në Kodin Penal që prekin trajtimin e ministrave në raport me arrestimin dhe ndjekjen penale. Ai i kundërshton këto nisma dhe i paraqet si mbrojtje për zyrtarët e lartë.
Përmes një reagimi në rrjetet sociale, Meta i ironizoi ndryshimet duke i etiketuar si një standard që, sipas tij, nuk përputhet me aspiratën e vendit për anëtarësim në Bashkimin Europian. Ai i konsideron propozimet si përpjekje për të krijuar garanci shtesë për politikanët përballë hetimeve penale.
"Neni “afrikan” i Edi Ramës, që çuditi botën"-shkruan Meta.
Sipas Metës, ndërhyrjet e propozuara rrezikojnë të cenojnë barazinë para ligjit dhe të ndikojnë në funksionimin e drejtësisë.
Debati për ndryshimet në Kodin Penal vijon mes forcave politike, ndërsa propozimet mbeten në qendër të diskutimit publik.
Lini një Përgjigje