FLASH
Shkruar nga Pamfleti
Nënkryetari i Grupit Parlamentar të Partisë Demokratike Ervin Salianji tha se PD sot është e bashkuar dhe më e fortë, ndërkohë që ka renditur edhe disa nga skandalet e mazhorancës në pushtet.
Gjatë një takimi me demokratët në Kuçovë, Salianji tha se Rama zgjodhi në krye të socialistëve, një njeri me precedent penal duke iu referuar Kreshnik Hajdarit. Ai shton se e mbajtën me forcë në krye të bashkisë duke shkelur ligjin.
“PD është sot 1, më e fortë e bashkuar dhe cilësore. Sot shohim që sallat e takimeve me demokratë janë plot. Edhe në Kuçovë mes socialistësh ai futi dorën dhe zgjodhi një person me precedentë penal, ky Hajdari. Një person që ka probleme me ligjin. PS bëhet me barrikadë edhe e mban në institucione. E mbajtën me forcë në krye të bashkisë duke shkelur ligjin.
Hajdari i Kuçovës bën kërdinë, ndërsa hajdarët në qeverisje bëjnë kërdinë në të gjithë Shqipërinë.
Janë në garë si të përfitojnë më shumë, të vjedhin e të abuzojnë më shumë, kush të prodhojë më shumë skandale.
Drejtësia e re është për të dënuar kundërshtarin politik për të izoluar liderin e opozitës, kur vjen puna që GJK jep vendim gjysmak si në rastin e Xhaçkës, PS e flak duke thënë që në vendin tonë nuk janë të gjithë të barabartë para ligjit.
Janë kapur me ndërhyrje në sistemin TIMS”, tha Salianji.
Lini një Përgjigje