FLASH
Shkruar nga Pamfleti
Në protestën e Partisë Demokratike të zhvilluar mbrëmjen e sotme, ka qenë i pranishëm edhe Shkëlzen Berisha, djali i kreut të opozitës, Sali Berisha.
Sipas informacioneve nga terreni, Shkëlzen Berisha është parë me maskë mbrojtëse dhe i rrethuar nga truproja, teksa ndodhej në zonën e Rrugës së Elbasanit, segment që lidh selinë e PD-së me godinën e Kuvendit.
Ai është zhvendosur drejt kësaj zone së bashku me protestues të tjerë, pas ndërhyrjes së policisë dhe përdorimit të gazit lotsjellës pranë Parlamentit, çka solli shpërndarjen e turmës dhe lëvizjen e saj në disa akse përreth.
Protesta e opozitës është shoqëruar me tensione dhe përplasje sporadike, ndërsa forcat e rendit kanë ndërhyrë për ruajtjen e sigurisë dhe rendit publik. Deri më tani, nuk ka një reagim zyrtar lidhur me incidentet apo personat e lënduar gjatë tubimit.
Lini një Përgjigje