FLASH
Shkruar nga Pamfleti
Kreu i PD-së, Sali Berisha ka folur për landfillin e Elbasanit i cili është prej 6 ditësh në flakë, teksa e quajti një krim mjedisor.
Berisha u shpreh se qytetarët e Elbasanit pësuan agresionin toksik më të madh në historinë e atij qyteti.
Kreu i PD, tha se edhe në Vlorë fusha e plehrave digjet çdo 3 muaj, duke rrezikuar jetën e qytetarëve me grimcat e dëmshme që lëshohen në ajër.
“Tani, siç jeni informuar për 6 ditë me radhë, qytetarët e Elbasanit pësuan agresionin toksik më të madh në historinë e atij qyteti. Ky krim i rëndë mjedisor, sikundër krimi i rëndë ciklik mjedisor në Vlorë, nuk ekziston për Altin Troplinin, paçka se ligji, krimet mjedisore ia kërkon këtij institucioni sepse i ka shpallur krime të rënda.
Pra, ky mercenar i Edi Ramës, ka vendosur institucionin në funksion fund e krye të partisë së krimit dhe të qeveritarëve të krimit.
Të digjen fusha e plehrave në Vlorë çdo 3 muaj, të marrin vlonjatët gjer dhe dioksinë mund të ketë në ato plehra dhe mund të krijohet nga djegia. Pa diskutuar pastaj efektet e mirëfillta kancerogjene nga djegiet, të gjitha këto nuk ekzistojnë sepse ky është një peng i verbër i Edi Ramës dhe Ulsi Manjës”, tha ai.
Lini një Përgjigje