FLASH
Shkruar nga Pamfleti
Partia Demokratike ka kushtëzuar qëndrimin e saj në Kuvend ndaj draftit me 3 pika lidhur me votën e Diasporës në zgjedhjet e 11 majit me lejimin për të votuar edhe të shqiptarëve që kanë vetëm dokumente identifikimi të huaja. Nëse PD nuk voton për draftin e dakordësuar, rrezikohet seriozisht procesi për të mundësuar votën e diasporës me postë në zgjedhjet e 11 majit.
Por a do të pranohet ky kusht i demokratëve?
Kreu i grupit Parlamentar të Partisë Socialiste Niko Peleshi shprehet për Top Channel se kërkesa e Partisë Demokratike është e parealizueshme dhe pavarësisht negociatave ngërçi duket i pazgjidhshëm.
Por ndërsa drafti që mban vetëm firmat e PS parashikon 3 ndryshimet që lidhen me afatet e regjistrimit, mbulimin e kostos së postës nga buxheti i shtetit dhe kompozimin e komisionin e numërimit nga përfaqësues të dy forcave kryesore politike kushti i ri i vendosur nga opozita sipas Peleshit është i qëllimshëm për bllokimin e draftit të dakordësuar.
Ndërsa në mbledhjen parlamentare të së enjtes pritet të ketë përsëri debate dhe diskutime mes palëve nëse opozita nuk tërhiqet nga kushti i saj dhe rrezikon miratimin e draftit me 3 pikat e dakordësuara , socialistët duket se kanë nisur tentativat që të plotësojnë votat e nevojshme me aktorët e tjerë politikë.
Nuk dihet se sa të suksesshme mund të jenë këto negociata, por përtej 3 votave të PSD-së, socialistëve do t’i duhen edhe 7 vota nga deputetë të pavarur apo të partive të vogla për të plotësuar numrin 84, i nevojshëm për ndryshimet në Kodin Zgjedhor.
Lini një Përgjigje