FLASH
Shkruar nga Pamfleti
Vendimi u mor me 5 vota pro dhe 3 kundër...
Gjykata Kushtetuese ka vendosur sot të kalojë për shqyrtim ankimimin e paraqitur nga kryeministri Edi Rama kundër vendimit të GJKKO-së, e cila pezulloi Belinda Ballukun nga detyra si zëvendëskryeministre dhe ministre e Infrastrukturës dhe Energjisë.
Vendimi nga Kushtetuesja u mor me 5 vota pro dhe 3 kundër, duke e bërë kështu çështjen të kalojë në një fazë të re procedurale, ku trupa e plotë e gjyqtarëve do të analizojë në themel argumentet e qeverisë dhe ligjshmërinë e masës së përdorur nga GJKKO.
Me këtë vendim, Kushtetuesja vlerëson se kërkesa e qeverisë plotëson kushtet formale për t’u shqyrtuar, por nuk jep ende një qëndrim mbi themelin e çështjes. Seanca e ardhshme do të përqendrohet në pyetjen qendrore: a ka të drejtë një gjykatë penale të pezullojë një anëtar të kabinetit qeveritar, apo ky veprim cenon balancat kushtetuese dhe funksionimin e ekzekutivit?
Qeveria pretendon se masa e pezullimit ndërhyn në kompetencat e saj dhe paralizon vendimmarrjen institucionale, ndërsa kritikët e ankimimit e shohin këtë hap si presion ndaj drejtësisë dhe si tentativë për të ndërhyrë në hetimet e hapura ndaj Ballukut.
Vendimi përfundimtar i Kushtetueses pritet të ketë ndikim të drejtpërdrejtë në zhvillimet politike dhe në marrëdhëniet mes ekzekutivit dhe sistemit të drejtësisë.
Kujtojmë se më 20 nëntor, Gjykata e Posaçme pezulloi nga detyra zv/kryeministren dhe ministren e Infrastrukturës dhe Energjisë, duke i ndaluar gjithashtu të drejtën për të dalë jashtë vendit. Ajo është marrë e pandehur për procedurat në tenderin e tunelit të Llogarasë dhe është nën hetim për tenderin e lotit 4 të Unazës së Madhe. /Pamfleti
Mbi kushtetutën nuk dilet
POR FAKTET E KRIMIT .TE VJEDHJES.50.MILJONVE JANE ATY. TE DEKUMENTUARA. PROKURORET DRITANI* ALTIN DUMANI DOTE JUA PERPLASIN NE FYTYRE ATYRE TE 5ESTEVE ......E KUTONI QE PASAPORTA.E LEJON TE SHKOJ PER AZIL...... BUJANA