FLASH
Shkruar nga Pamfleti
Komisioni i Reformës Zgjedhore ka vijuar sot punën duke e realizuar mbledhjen online.
Sot zhvillohet seanca dëgjimore për rekomandimet e organizatave të Shoqërisë Civile rreth ndryshimeve që duhen bërë në Kodin Zgjedhor.
Bashkëkryetari i komisionit, Enkelejd Alibeaj tha se mbledhja online ishte e vetmja mënyrë që përfaqësuesit e organizatave civile të mund të parashtrojnë rekomandimet e tyre për shkak se kaosi i deputetëve të Rithemelimit ka pamundësuar mbledhjet fizike.
“Iu kërkoj ndjesë për moszhvillimin e kësaj mbledhje disa ditë më parë, për arsye që tashmë dihen. Besoj kam mirëkuptimin tuaj dhe kjo është një mënyrë që do u japë mundësi të shprehni pikëpamjet tuaja mbi atë se çfarë duhet të diskutojë komisioni i Reformës Zgjedhore. E mira do të ishte që përveç përshkrimit të asaj se çfarë mendoni, të depozitoni në formë të shkruar materialet që do të prodhoni gjatë kësaj periudhe”, tha Alibeaj.
Lini një Përgjigje