FLASH
Shkruar nga Pamfleti
Ambasadorja e Delegacionit të BE në Tiranë, Christiane Hohmann i ka dhënë goditje të fortë qeverisë sa i takon klimës së biznesit. Teksa kryeministri foli sot në foruminekonomik për lehtësira dhe kushte të mira për të bërë biznes, për të huajt investimi në Shqipëri është me risk shumë të lartë.
Ambasadorja ja tha në sy Ramës se problemi kryesor vijon të mbetet korrupsioni. Po ashtu problem shihet dhe çështja e pronës dhe batërdia me tenderat.
“Ka pasur përfitime që janë sjellë nga digjitalizimi i shërbimeve. Investuesit tregojnë qartë disa nga sfidat që ende mbetet, si për shembull si do të trajtohet informalitetit. Çrrënjosja e korrupsionit, promovimi i konkurrencës së drejtë si edhe promovimin e procedurave transparente të prokurimit publik, parashikueshmërinë ligjore, zbatimin e ligjit dhe ata nuk duan as të ketë vonesa në gjykata. Pra as që të ketë certifikata që paqarta pronësie. Shqipëria ka ecur shumë përpara. Përfaqësuesit e bizneseve na tregojnë që ka ende shumë punë, zgjidhja e këtyre çështje do të krijojë vende punë dhe do të sjellë më shumë investime si edhe do të heqë pak trysninë që sjell edhe rrjedhja e trurit”, tha ambasadorja e BE.
Po ashtu shtoi se BE ka miratuar investime shumë të rëndësishme për vendin. Sipas saj janë investuar 5.7 miliardë euro, me fokus transportin dhe energjinë.
“BE do të vijojë të mbështesë Shqipërinë. Ne do të investojmë në mënyrë madhore. BE ka miratuar investime shumë të rëndësishme për shifrën 5.7 mld euro duke u fokusuar tek transporti dhe struktura e energjisë. Duke qenë se jemi donatori numër 1 në Shqipëri, ne edhe mbulojmë shumë fusha, por përqendrohemi tek inkurajimi i aftësive për biznes”, tha ajo.
Lini një Përgjigje